Кеңес әскерінің Ауғанстан жерінен шығарылған күніне 33 жыл толуына орай 2022жылдың 16 ақпан күні ауған соғысының ардагері, ауыл тұрғыны Касимов Есмұрат Тайкенұлымен сұхбат-кездесу өтті. Кездесу барысында Мектеп Парламентінің мүшелері өздерін қызықтыратын сұрақтар қойып, түрлі оқиғалар тыңдап, осы кездесуден көп жақсы әсер алды. Есмұрат ағай ерліктерін баяндап, жастарды өз Отанын сүюге, жаудан қорғауға, өз елінің патриоты болуға шақырды. Балалар ардагер ағамызға зор денсаулық, отбасылық бақыт тілеп, сыйлықтарын табыстады.