"ЭКОЧЕЛЛЕНДЖ - ЖАҢА ЖЫЛДЫҚ КӨҢІЛ-КҮЙ"
Сырбай Мәуленов атындағы №37 мектеп-лицейінде 23-25 желтоқсан аралығында Нұр-Сұлтан қаласының әкімі А.Көлгіновтің Жаңа жылға шыршаларды кесуге қарсылығын қолдай отырып, «Менің эко-өмір мектебім» байқауы аясында 1-4 бастауыш қазақ және орыс сыныптары арасында «Экочеллендж – Жаңа жылдық көңіл-күй» байқауы өтті. Конкурсқа 46 сынып қатысты, 51 жаңа жылдық мүсіндер қабылданды. Оқушылар ата-аналарымен бірлесіп әр түрлі қатты тұрмыстық қалдықтардан, макулатурадан, пластик стақандардан, маталардан, мақтадан, картондардан, майлықтардан, қалың жіптерден, полиэтилен пакеттерден және пластик қасықтарынан жаңа жылдық шыршалар, аққалалар, киіктер, алауошақ, сағат және 2020 жылдың символы – тышқан сияқты түрлі бағыттағы қолөнер жұмыстарын жасаған. Байқауға тапсырылған жұмыстардан оқушылардың ерекше шығармашылық шабыттары көрінді. Нәтижесі жасалып, оқушыларымыз бен жеңімпаз сыныптарымыз анықталды