«Қазақ аруы» республикалық байқауы продюсер Баян Есентаевнаның бастамасымен республикамызда 4-нші жыл қатарынан өткізіліп отыр. Сайысқа Қазақстанның түпкір-түпкірінен қатысушы үміткерлер саны күн сайын арта түсуде. Қазақ тілін, дәстүрін, тарихын, әдебиетін білу,  бойының ұзындығы 170 см-ден кем болмауын, шашының ұзындығы аруларға қойылатын басты талаптар болып табылады. Сайысқа іріктеу барысында бүгінгі күнде бірнеше жүз үміткердің ішінен 21 үміткер ару іріктелген. Соның бірі Қажынхан Гүлмарал Елордамыз Астананың, №49 орта мектебінің  намысын қорғайды. Аталған сайыстың сырттай кезеңі   «VOX Populi-2014» атағына үміткер аруларға онлайн түрде дауыс беру арқылы анықталады. Бұл кезеңде Қажынхан Гүлмарал жиырма бір арудың ішінде 4-орынды иеленіп отыр. Сайыстың ақтық кезеңі үстіміздегі жылдың 16 наурызында «Қазақстан» концерт залында өтетіндіктен, аруымызға артар сеніміміз мол. Гүлмаралға  тек қана сәттілік  пен жеңіс тілейміз!