«Балауса»жас тілшілер клубының шығармашылығы

Наурыз келді еліме             

Күн менен түн теңеліп,

Наурыз келді еліме.

Жер шуаққа кенеліп,

Қаулады көк беліме.

Ойнап күлкі жүзінде,

Мәз болады кәрі-жас.

Әр үйде ақ үзілмей,

Қосылады малға бас.

Наурыз – ұлы мереке,

Құтты болсын халайық.

Арта берсін береке,

Тойды қарсы алайық.

                                       Нұрсейіт Ардақ 5 «г» сыныбы

Наурызға тілек

Әз-Наурыз оң болсын,

Қазанда ақ мол болсын.

Ырысқа елім кенеліп,

Жақсылыққа жол болсын.

Жылы жүзбен қауышып,

Үйден үйге ауысып,

Наурыз көже ішейік.

Кесемізді тауысып,

Бел-белеске асайық.

Бұлақ көзін ашайық.

Көшелерге тал егіп,

Тойға шашу шашайық.

                                     Төреханов Темірлан 10 «а» сыныбы

Наурыз думан

Жарқырайды төбемізден күн көктем,

Наурыз мейрам жүректерге нұр сепкен.

Айналамыз сұлулыққа бөленіп,

Сал-серілер қалың жұртқа жыр төккен.

Дәріптеліп сан ғасырлық салт-дәстүр

Ақсақалдар ақ батасын беріп тұр.

Шашу шашып ақ жаулықты аналар

Күліп-ойнап жас сәбилер теріп жүр.

Жылқы жылы қасиетті ежелден,

Жүйрік атқа құмар қазақ кез-келген.

Құсбегілер, атпаз, аңкөс серілер

Жиналыпты бүгін тойға әр жерден.

Алтыбақан, киіз үйдің ду маңы

Көрісті жұрт келгеніндей туғаны

Қазақ елі молшылыққа кенеліп

Қыза түсті Әз-Наурыз думаны.

                                                     Совет Әсел 9 «ә» сыныбы