2014 жылдың  12 мамырында  Л.Н.Гумилев атындағы Еуразия ұлттық университеті  мен  №48 мектеп-лицейдің арасындағы «ЕҰУ-Мектеп» бағдарламасын жүзеге асыру мақсатында келісімшартқа қол қою рәсімі өтті.

2014 жылдың  12 мамырында  Л.Н.Гумилев атындағы Еуразия ұлттық университеті  мен  №48 мектеп-лицейдің арасындағы «ЕҰУ-Мектеп» бағдарламасын жүзеге асыру мақсатында келісімшартқа қол қою рәсімі өтті.

Астана қаласы  №48 мектеп-лицей  2004 жылдан бері ЕҰУ-нің базалық мектебі болып саналады. Екі тараптық ұзақ жылдық әріптестік қызметінде Университет пен Мектеп арасында бірлескен кешенді іс-шаралар өтеді.

Бірлесе өткізілетін  жоспарлы іс-шаралардың нәтижесінде оқушылардың ғылыми-зерттеу әлеуеті артып, ұстаздардың біліктілігі дамыды.

Елбасымыз Н.Назарбаев өз жолдауында   «Қазақстанның болашағы- білімді ұрпақтың қолында,» -деді. Білімді ұрпақ білікті ұстаз бен қамқор ата-ананың үндескен әрекетімен дамиды.

Әлеуметтік-мәдени даму жөніндегі проректор Дихан Қамзабекұлы  болашақ ұрпақтың мамандық таңдауы, бүгінгі заманның талабына сай майталман маман болуы үшін білім саласындағы жоғары технологияларды қолдана отырып, кәсіптік бағдар алуына мүмкіндік жасалуы керектігін айтты.

№48 мектеп-лицейдің директоры Садыкова Зауре Жақанқызы  бүгінгі жасалатын екі тарапты келісім-шарт университет ұстаздары мен мектеп ұжымының жұмысын үйлестіріп,, болашаққа жол ашатынын, материалдық база ұлғайып, тәжірибелік алаңдар кеңейтілетінін атап көрсетті.