Қарттар күні елімізде 1990 жылдан кең көлемде аталып келеді. Қазан айының бірінші жұлдызына тап келген мейрам жыл сайын ескінің көзіндей болған қазыналы қарттарымыздың бір сәтке болса да көңілін көтеріп, өміріне қуаныш сыйлаумен қатар үлкен тәрбиелік мән атқаратыны белгілі.

     Жылдағы дәстүрге сай, мектебімізде 1 қазан - Халықаралық қарттар күніне арналған "Қарттарым - асыл қазығым" атты мерекелік шара өтті.
     Мерекелік шараға "Көктал 2" ықшамауданының қариялары, еңбек ардагерлері, ақ жаулықты әжелер қатысты. Мерекелік шара барысында алдымен сөз алған мектеп директоры Ш.Қ.Жакенбай қарияларға жылы лебізін білдіре отырып, зор денсаулық, ұзақ өмір, қажымас қайрат тіледі.
     Ардагер-ұстаз Майра Қаппасқызы жиналған қарияларды мерекелерімен құттықтады, өскелең ұрпаққа бақыт тіледі.
     Мектеп оқушылары ата-әжелеріне мерекелік концерт қойып берді.