Отрасли
Сообщества
Новость
"Байтұрсынов, Дулатов, Бөкейханов, Бірі - күн, бірі - жұлдыз, бірі - айым. Кешегі қара күні осылар ғой, Халық үшін шам қылған жүрек майын" деп ақиық ақын С.Торайғыров тегін айтпаса керек.
Мектебімізде 25 қазан күні 6 сынып оқушыларының ұйымдастыруымен "Алаш арыстары" тақырыбында мәдени іс-шара өткізілді.
Қазақ автономиясының, алаш партиясының шығу тарихымен, қызметімен таныстыруды мақсат тұтқан бұл кеште оқушыларға толыққанды мәлімет ұсынылды.
Іс-шара аясында кітаптар көрмесі, алаш ардақтыларына арналған стенд дайындалды. Халқына "Оян,қазақ!" деп ұран тастаған алаш қайраткері Міржақып Дулатұлы туралы деректі фильм көрсетілді.
6 "Б" сынып оқушылары "Әлихан Бөкейханның орыс тергеушісіне берген жауабы" атты сахналық қойылымды өз деңгейінде шебер орындай білді.
6 "Ә" сынып оқушылары "Жас қазақ марсельезасы" әнін шырқады.
Ұлт болып ұйысып алдымызға қойған мақсаттарға жетуде қастерлі тәуелсіздіктің құны жолындағы құрбандарын ұмытпай, оларды үлгі ету арқылы өз тәуелсіздігімізді нығайтатын рухани бірлікке ие боламыз.
Алаш ардақтыларының аманатын ұлықтау мақсатында, маңызды іс-шаралар ұйымдастыруды жалғастырамыз.
