2014 жылдың 28 қазан күні таңғы сағат 10.00-12.00 аралығында мектебіміздің 5 «А», 5 «Ә», 5 «Б», 5 «Г»және 5 «Д» сынып оқушылары (барлығы 52 оқушы) «Қазақстан Республикасының Тұңғыш Президенті мұражайына» саяхат жасады.

     Мұражайда балалар Қазақстан тарихымен және ел президентінің Астана қаласындағы қазіргі таңда мұражайға айналған тұңғыш қоныстанған ғимаратындағы тарихи экспонаттармен танысып тамашалады. Елбасы Нұрсұлтан Әбішұлы Назарбаевтің балалық шақтан бастап өмір жолымен және осы күнгі жетістіктерімен танысты. Мұражай қызметкерлері оқушыларды ыстық қарсы алып, тарих парақтарына мәнді және қызықты саяхат жүргізді. Президенттің мектеп бітіргендегі орта білім туралы аттестаты, әлем елдерінің елшілері сыйға тартқан бағалы сыйлықтар, келіссөздер өтетін ресми залдар – барлығы да бала қызығушылығын тудырды.

     5 сынып оқушыларын мұражайға саяхат барысында бастап апарған директордың тәрбие ісі жөніндегі орынбасары Г.А.Жупкалиева, 5 «А» сынып жетекшісі А.Б.Битемір, 5 «Г» сынып жетекшісі Д.Рамазанова. Балалардың жолда жүріп тұру қауіпсіздігін қамтамассыз еткен «Қалалық  экскурсиялар» ЖК.