Білім күні  еліміздің оқу ордаларында жан-жақты аталып өтілді. Бұл күні тәуелсіз еліміздің түпкір түпкіріндегі білім ордаларында соғылған  алғашқы қоңырау  жаңа оқу жылының басталғанын  білдірсе,  

1 қыркүйек - Білім күні  еліміздің оқу ордаларында жан-жақты аталып өтілді. Бұл күні тәуелсіз еліміздің түпкір түпкіріндегі білім ордаларында соғылған  алғашқы қоңырау  жаңа оқу жылының басталғанын  білдірсе,  алтын ұя мектеп табалдырығын алғаш рет аттағалы отырған кішкентай бүлдіршіндер үшін, мектеп қабырғасынан қанат қағып ұшқалы отырған түлектер үшін, жаңа оқу жылын алғаш бастағалы отырған ұстаздар үшін бұл әрине ұмытылмастай қуанышты сәттер болды.

Аталмыш мереке білім ордамызда салтанатты жағдайда өтті. Ашық аспан аясындағы мектеп алаңына жиналған ақ көйлекті ұлдар мен шаштарына ақ бантик  таққан қыздардың өз сыныбымен тізіле сапқа тұруы салтанат сәнін асыра түсті.

Білім күніне жиналған қауымды мектеп директоры  Шаяхметова Айтжан Ермұханқызы құттықтап, жаңа оқу жылы мектеп оқушыларына, барша ұстаздарға жаңа жетістіктер мен мол сәттіліктер әкелсін деген тілек білдірді. Жүректері лүпіл қаққан бірінші сынып оқушылары тақпақтарын жатқа  айтты.

Алдағы көздеген мақсаттарына жететіндіктеріне сенімді жеткіншектер әсем ән ырғағымен шыр айнала би билеп, білім ордасының алдын думанға айналдырып жіберді.

Бұл күні ата - аналар мен ұстаздар тарапынан талай-талай жүрекжарды тілектер айтылды. Мейрам соңында Елбасының «Қазақстан 2050» стратегиясы аясында «Қазақстан жолы 2050: бір мақсат, бір мүдде, бір болашақ» тақырыбындағы патриоттық тәрбие сағаттарына ұласты.