17-22 қараша күндері мектебімізде орыс тілі апталығы өтіп жатыр. Апталықтың тақырыбы Ұлы Абайдың сөзімен

17-22 қараша күндері мектебімізде орыс тілі апталығы өтіп жатыр. Апталықтың тақырыбы Ұлы Абайдың сөзімен «Русская наука и культура- ключ к мировым сокровищам» деп аталады.

Мақсаты: тіл мәдениетін көтеру, орыс тіліне деген құрмет, тілге деген қызығушылықты ояту.

Бірінші күні апталықтың ашылуы салтанатты түрде өтті. Бұл күн  «Я в гости к Пушкину спешу..»  деген атаумен орыс халқының Ұлы ақыны Пушкинге арналды. Оқушылар  құлшыныспен белсенділік танытып, өнерлерін паш етті. Кешті мерекелік фанфармен ашып, жеткіншектер баяу әнге мерекелік көйлектерімен мың бұрала биледі.

Жүргізушілер ақын Пушкиннің өмірі мен шығармашылығына тоқталып, 7-11 сынып оқушылары ақын өлеңдерін жатқа мәнерлеп оқып берді. Театрландырылған сахналық көріністер көрермендерді тәнті етті.

Бұл қызықтар апталықтың бастамасы ғана деп айтуға болады. Өйткені алдағы күндері түрлі поэзиялық кештер, түрлі ойындар, байқаулар өткізіледі.