2014 жылы 24 - 29 қараша аралығында тарих пәні бірлестігінің апталығы өтті.

- Тәуелсіз еліміздің Халықаралық беделінің жоғары деңгейде көтерілгенін, сол деңгейге жетудегі Елбасының жолы туралы оқушыларға насихаттау.  Тәуелсіздіктің 23 жылдығымен  Қазақ  хандығының 550 жылдығы, Ата заңымыздың 20 жылдығын және бейбіт өмірдің шуағын сыйлаған Ұлы Жеңістің 70 жылдығын атап өтеміз. Осындай мерейлі оқиғалар жылын Қазақстан халқы Ассамблеясы жылы деп жариялады. Бұл оқиғалар келешек ұрпақтың санасына ел тұтастығы мен бірлігінің, сонымен қатар татулығы мен тыныштығының негізі болатындығын оқушыларға жеткізу.

- Оқушыларды Отанын сүйюге, ұлтжандылыққа, елжандылыққа тәрбиелеу.

- Тәуелсіз Қазақстан тарихын жетік білуге құштарлығын ояту.

- Бүгінгі заманға сай, іздемпаздыққа, шығармашылыққа баулу.

24.11.2014 жылы тарих апталығының салтанатты ашылуы өтті. Қазақстан Республикасының тәуелсіздік жолында көрген қиян – кескіндерді оқушылар өлеңдер және қара сөздер оқу арқылы жеткізді. Саптық жиында оқушылар және мұғалімдер апталықтың жоспарымен таныстырылып өтті.

25.11.2014 жылы 8 «А» сыныбында «Ақмола бекінісінің салынуы» тақырыбында ашық сабақ өтті. Пән мұғалімі Темирханова Жібек Сейтқызы. Ашық сабақ  директордың оқу ісі жөніндегі және тәрбие ісі жөніндегі орынбасарларының қатысуымен өтті. Сабақта оқушылар топпен  жұмыс жасады, интерактивті тақтамен тапсырмалар орындады. Жаңа технологиялық әдістер пайдаланылды.

26.11.2014 жылы «Ежелгі Финикия мен Палестина» тақырыбында ашық сабақ өтті. Пән мұғалімі Ердеханова Сапарай Сапарбаевна. Ашық сабақ  директордың оқу-ісі жөніндегі және тәрбие ісі жөніндегі орынбасарларының қатысуымен өтті. Сабақта оқушылар топпен  жұмыс жасап, белсенділік танытты, интерактивті тақтамен тапсырмалар орындады. Жаңа технологиялық әдістер пайдаланылды.

27.11.2014 жылы 8 «Ә» сыныпта «Жоңғар шапқыншылығы» тақырыбында ашық сабақ өтті. Пән мұғалімі Бимендин Болат Дуйсенбекович. Ашық сабақ  директордың оқу ісі жөніндегі орынбасарларының қатысуымен және әлеуметтік педагогтың қатысуымен өтті. Сабақта оқушылар топпен  жұмыс жасады, интерактивті тақтамен және өз ойларын ортаға салып талдады.

27.11.2014 жылы 7 «Ғ» сыныпта және 7 «А» сыныбында «Қолөнер және сауданың дамуы» тақырыбында ашық сабақ өтті. Пән мұғалімдері Хасен Масғұт және Қарамергенова Назгүл Тоқтамысқызы. Ашық сабаққа  мұғалімдер және оқу ісі жөніндегі орынбасарлары қатысты. Сабақта интерактивті тақта және карта пайдаланылды. Оқушылар сабақ барысында өздерін еркін ұстады, сұрақтарға жақсы жауап беріп отырды.

27.11.2014 жылы 5-6 сыныптар арасында «Кім тапқыр» интеллектуалды ойын сайысы өтті. Пән мұғалімдері Хасен Масғұт, Қарамергенова Н.Т, Бимендин Б.Д, Ердеханова С.С. Сайысқа   оқушылар белсене қатысты.. Оқушылар сайыс барысында өздерін еркін ұстады, сұрақтарға жақсы жауап беріп отырды.

Тарих әдістеме бірлестігінің мұғалімдері өздерінің біліктілігін арттыруда. Сондай-ақ Атамекен тарихи кешенінде Республикалық сайысқа қатысқан Бимендин Б.Д. І орынды иеленді.

Апталықтың қорытындысы шығарылып,апталық кезінде белсенділік білдірген оқушылар марапатталды.

    

28.11.2014 жылы. Тұғырлы мемелекетіміздің Тұңгыш Президенті күні қарсаңында №58 мектеп-гимназиясында «Елімді ертеңіне жетелеген-Елбасы!»  тақырыбында ғылыми-практикалық конференция өтті. Конференция барысында мектеп оқушылары Елбасымыздың өмірі мен қызметі Қазақстанды әлемдік деңгейде көрсетудегі саяси жолы туралы жан-жақты мәліметтермен талқылау жасады. Ел болашағы бүгінгі жастар деген Елбасы сөзін алға тарта отырып баяндама жасаған оқушылар Қазақстанның болашағы зор,әрі әлем деңгейінде көк туымыздың көрінетіндігіне сенетіндіктерін, сондай-ақ осы белеске жетуде болашақ жастардың үлесінің мол екенін айтып өтті. Сонымен қатар оқушылар арасында  өткен конференция әрбір қатысушының белсенді түрде ізденгендігі және Президенттің саясатының  дұрыс бағытта екенін баяндамаларында айқын аша  білді. 

             

Әдістеме бірлестік жетекшісі  Ж.С.Темирханова