Кешегі ата-бабаларымыздың асыл арманының, елім деп еңіреген қазақ жастарының ерік-жігерінің жемісі, бүгінгі жасампаздықты жаңғыртқан басты

 Тәуелсіздік деп соғады жүрегіміз...

         Кешегі ата-бабаларымыздың асыл арманының, елім деп еңіреген қазақ жастарының ерік-жігерінің жемісі, бүгінгі жасампаздықты жаңғыртқан басты құндылығымыз Қазақстан Республикасының Тәуелсіздігі күніне орай Астана қаласы №49 орта мектебінде ағымдағы жылдың 12 желтоқсан күні «Тәуелсіздік деп соғады жүрегіміз...» атты мерекелік қайырымдылық концерті өтті.  Аталған шараға Астана қаласы Білім басқармасының бас маманы Джайлыбекова Дина Қабдешқызы, «Мейірімділік-М» қайырымдылық қорының директоры Сеилова Айгүл Өмірқызы, «Торе-М Лимитед» ЖШС-нің директоры Мұсабекова Замзагүл Сейітжанқызы, «AZ company» жеке кәсіпкерлігінің директоры Магзумова Аида Маратқызы мен «Қазақстан» ұлттық телеарнасының өкілдері қатысты. Іс-шараны мектеп директоры Джумартова Данара Мейранбекқызы алғысөзімен ашып, қатысушыларды Ұлы мерекемен құттықтады.

 Концерттік шараның басты мақсаты үйден оқытылатын мүгедек балаларға және жетім балаларға әлеуметтік қолдау көрсету, еліміздің ертеңі болып саналатын жас ұрпаққа патриоттық тәрбие беру болғандықтан, Өндіріс кентінің №21, №23, №34, №49 орта мектептерінің үйден оқытылатын, жетім және ата-ананың қамқорлығынсыз қалған оқушылары мерекелік шараға қатысып, халықаралық, республикалық, қалалық деңгейде танылып жүрген өнерлі оқушылардың әсем күйлеріне, әуенді әндері мен мың бұралған билеріне тәнті болды. Атап айтқанда,  №49 орта мектебінің үйден оқытылатын 8 сынып оқушысы  Серік Ақнұр «Ақ дастархан» әнімен көрермендердің жүрегіне қуаныш пен жылылық сыйласа, мектеп оқушыларының «Қазақ еліне» орындалған флэш-моб биі оқушылардың бойында патриоттық жігер қалыптастырды.

Кеш соңында келген қонақтар жылы лебізіндерін білдіріп, жетім, ата-ананың қамқорлығынсыз қалған және үйде оқытылатын оқушыларға сыйлықтар мен тәттілер тарту етті.