Ел басы Н.Ә. Назарбаевтың бастамасымен құрылған, Қазақстан Республикасы оқушыларының бұқаралық қоғамдық ұйымы - «Жас ұлан» балалар мен жасөспірімдер ұйымы» Республикалық қоғамдық бірлестігі. 

«Жас ұлан» - рухани-адамгершілік құндылықтардың, толеранттылық қағидасының, демократиялық және өзара қарым-қатынас мәдениетінің негізінде, өскелең ұрпақтың бойында қазақстандық патриотизмді қалыптастыратын ұйым. Іс-шара барысында жасұланшыларды мақсатымен және функционалды міндеттерімен таныстырды. «Жас ұлан» ұйымының басты мақсатының бірі Қазақстан халқының тарихын, мәдениетін, тілін білу; оқушылардың қоғамдық белсенділігін арттыру, танымдық қызметін ынталандыру, баланың шығармашылығы мен әлеуметтік бастамаларын жан-жақты дамыту; түрлі мемлекеттермен және қоғамдық құрылымдармен, үкіметтік емес ұйымдармен әлеуметтік серіктестікті нығайту, өзара қарым-қатынасты дамыту негізінде өскелең ұрпақтың бойында адами әлеуетті қалыптастыру болып табылады. Іс-шараға Білім басқармасының өкілі Сергей Касымович Шарыпов, сондай-ақ ақын Т. Айбергеновтың қыздары – Айнар Төлегенқызы мен Хұсни Төлегенқызы қатысты.