23 ақпанда "№7 орта мектеп" КММ базасында "Lesson Study – сабақ практикасын жетілдірудің тиімді тәсілі" тақырыбында облыстық семинар өткізілді.
Аталған семинардың мақсаты: іс-әрекеттегі зерттеу нәтижелерін жалпылау және облыстың білім беру ұйымдарының желісінде тәжірибені тарату. Аталған семинарға қала мен облыстың 60-тан астам педагогы қатысты.
Бұл семинарда әріптестерге "Lesson Study" қалай өткізу керектігі туралы ақпарат берілді, мұғалімдер пәндер бойынша сабақтарды талдап, әзірледі және құрастырылған математика, жаратылыстану, сауат ашу сабақтары бойынша ұсыныстар берді. №5 орта мектептің әріптестері "Lesson Study" сабақтарын өткізу тәжірибесімен бөлісті. "№2 Булаев орта мектебі" КММ мұғалімдері "Әдістемелік қарқындылық кезеңдері" тақырыбында шеберлік сабағын өткізді. Сондай-ақ, "Яснополян орта мектебі" КММ әріптестері "Сабақты зерттеу" оқушыны қалай өзгертетінін айтты.
Семинар соңында қатысушыларға QR-кодты сканерлеп, атқарылған жұмыстар туралы өз пікірлерін қалдыру ұсынылды, онда қатысушылардың барлығы дерлік бұл семинар толық және қолжетімді ақпаратпен танымдық, қызықты болғаны туралы жауап берді.