Наурыздың 1-жұлдызында «Айыртау ауданының білім бөлімі» КММ «Қосымша білім беру орталығы» МКҚК ұйымдастыруымен «Дебат – сөз додасы» атты аудандық пікір-сайыс турнирі өтті. Пікір-сайысқа аудан мектептерінен орыс және қазақ тіліндегі лигаларға 9-11 – сыныптар аралығында 14 команда қатысып, өзара мықтыны анықтады.

Шешендік өнер және жұрт алдында сөйлеу мәдениеті қалыптасқан талантты оқушылар ой ұшқырлығы мен сөз мәдениетін серік етіп, парасат майданына түсті. Қоғамдағы түйткілді мәселелерді үкімет пен оппозиция тұрғысынан талдап, жеке азаматтық ұстанымдары мен шешу жолдарын көрсетті. Қызықты да тартысқа толы өткен сөз додасында төмендегідей нәтижелер тіркелді:

Қазақ тілді лигада 1-орын «Ақиқат 2» тобы №2 Саумалкөл мектеп гимназиясы , 2-орын «Ақтабан» тобы Лобанова ОМ , 3-орынды «Еркін сөз» тобы Мәдениет орта мектебі иеленді.

Орыс тілді лигада 1-орын «Әділет» тобы №2 Саумалкөл мектеп гимназиясы, 2-орын «Фемида» тобы Аксеновская ОМ, 3-орын «Феникс» Имантау ОМ иеленді. Үздік өнер көрсеткен сипикерлерге «Үздік спикер», «Үздік оратор», «Үздік аргумент авторы» номинациялары бойынша дипломдар табысталды.