Мәдениет саласының үздігі Бек Тоқатовтың біздің театрдағы жалпы еңбек өтілі 17 жылдан асып отыр. Ол сонау 2007 жылы Ж.Аймауытов атындағы Павлодар облыстық қазақ музыка-драма театрына драма артисі болып қабылданған. Сол уақыттан бері талмай еңбек етіп, бүгінде өнер ұжымының белді актерінің біріне айналды.

Бек Мүлікұлы Тоқатов 1974 жылы 3 қарашада Шығыс Қазақстан облысы Күршім ауданы Теректібұлақ ауылында туған. Штраустың «Жарқанатында» Жалшы, Орманшы, Әуеозовтің «Айман - Шолпанында» Ақсақал, Аймауытовтың «Ақбілегінде» Ақбала, Шанинның «Арқалық батырында» Жаманбай, Шекспирдің «Ричард ІІІ» қойылымында Лорд Стэнли, Мүсіреповтің «Қозы Көрпеш – Баян сұлуында» Қодардың досы, тағы басқа көптеген спектакльдерде маңызды рольдерді сомдады. Соңғы сомдаған образдары «Шәмші» мен «Менің атым Қожа» спектакльдерінде жарқырай көрінді.

Б.Тоқатовтың мерейтойына орай, 3 қараша күні өнер иесі қайталанбас актерлік келбетімен ерекшеленетін «Кербез келіндер» комедиясы сахналанады. Комедия авторы Е.Төлеубай, режиссері Е.Қауланов.

Баршаңызды театрда күтеміз!