«Біртұтас тәрбие» бағдарламасы аясында ағымдағы жылдың 22 мамыр күні 31 мамыр – Саяси қуғын-сүргін және ашаршылық құрбандарын еске алу күніне орай, 7 "Ә" сынып жетекшісі З. Балтабаева тәрбие сағатын өткізді.

Іс-шараның мақсаты – ХХ ғасырдағы зұлмат жылдардың тарихи маңызын ұғындыру, жазықсыз құрбан болған жандардың рухына тағзым ету, оқушылардың тарихи сана-сезімін қалыптастыру.

Сабақ барысында тарихи деректер, архивтік материалдар, тағдырлы тұлғалар туралы мәліметтер ұсынылып, оқушылар өз ойларымен бөлісті. Қуғын-сүргін құрбандарына үнсіздікпен тағзым жасалды. Сонымен қатар білім алушыларға ХХ ғасырдың 30-50 жылдары кеңес үкіметі жүргізген саяси қуғын-сүргіннің себеп-салдарын терең түсіндіру, тоталитарлық жүйенің зардаптарын ұғындыру, тарихи әділеттілікті қалпына келтіруге үндеу. Оқушыларға саяси қуғын-сүргінге ұшыраған жазықсыз тұлғалардың өмір жолын таныстыру арқылы олардың бойында азаматтық белсенділік пен әділдікке деген құрмет қалыптастыру көзделді.