Мектеп жасына дейінгі балаларда адалдық пен патриотизмді қалыптастыру – ел болашағына салынған берік іргетасы.

Баланың тұлға болып қалыптасуы ең алдымен мектепке дейінгі кезеңнен басталады. Бұл – олардың мінез-құлқының, өмірлік құндылықтарының алғашқы қадамдары қаланатын ерекше уақыт.

Әр халықтың болашағы – оның ұрпағында. Ұрпақтың саналы, отансүйгіш, парасатты болып өсуі ең алдымен балалық шақтағы тәрбиеге байланысты. Мектепке дейінгі кезең – баланың бойына ізгі қасиеттерді, адамгершілік пен ұлттық құндылықтарды сіңірудің ең басты уақыты.

Облысымыздың тамыз кеңесінде балабақшаларымыз тәрбиеленушілерге білім беріп қана қоймай, ұлттық рухани мұрамен таныстыратыны жайлы айтты. Халық ауыз әдебиеті – ертегі, мақал-мәтел, жұмбақтар – баланың қиялын дамытып, шыншылдық пен әділдікті үйретеді. Ұлттық ойындар – денсаулықты нығайтып қана қоймай, ұйымшылдық пен достықты қалыптастырады. Ұлттық ойындармымызды сабақта қолдана отырып, сабақты ерекше ұйымдастыруға, әртүрлі әдіс тәсілдерді ерекшелеуге,заман талабына сай қылып жасауға болатыны жайлы өз іс-тәжірибелерімен бөлісті.

Тәрбиешілеріміз бен әдіскерлеріміздің басты мақсаты – баланың бойында адалдық пен патриотизмді күнделікті өмірде үлгі арқылы көрсетіп, жүрегіне жеткізу. Өйткені бүгінгі тәрбиеленуші – ертеңгі елін сүйетін, еліне адал қызмет ететін азамат!