2025 жылғы 1 қыркүйектен бастап Қазақстан Республикасының білім беру ұйымдарында оқушылар мен тәрбиеленушілерге арналған жаңа ұлттық тамақтану стандарттары қолданысқа енгізілді. Бұл стандарттардың негізгі мақсаты – балалардың денсаулығын сақтау, дұрыс тамақтану мәдениетін қалыптастыру және білім беру ұйымдарында сапалы, қауіпсіз тағаммен қамтамасыз ету.

Ендігі уақытта мектептер мен балабақшаларда:

Тұз, қант және май мөлшері қатаң шектеледі;

Жасанды қоспалар, дәм күшейткіштер мен бояғыштарға тыйым салынады;

Мәзірге табиғи өнімдер, көкөністер мен жемістер көбірек қосылады;

Диеталық қажеттілігі бар балаларға жеке мәзір әзірленеді.

Медицина қызметкерлерінің рөлі қандай? Білім беру ұйымдарындағы медицина қызметкерлеріне арнайы әдістемелік ұсынымдар әзірленіп, бекітілді.

Олар:

Балалар денсаулығын бақылап отырады;

Перспективтік мәзірдің орындалуын тексереді;

Тамақтың сапасы мен қауіпсіздігін бағалайды (бракераж);

Балалар арасында дұрыс тамақтану бойынша түсіндіру жұмыстарын жүргізеді;

Ерекше тамақтануды қажет ететін балалардың тізімін жасайды.

Бұл не үшін маңызды? Соңғы жылдары балалар арасында семіздік, диабет, асқазан-ішек ауруларының артуы – дабыл қағарлық жағдай. Сондықтан да дұрыс, теңгерімді, қауіпсіз тамақтану – баланың дамуындағы маңызды фактор.

Есіңізде болсын!

Жаңа стандарттар ҚР Денсаулық сақтау министрлігінің 2025 жылғы №16 бұйрығы негізінде енгізіліп отыр;

Тамақтануға қатысты барлық процестер медицина қызметкерінің қатысуымен бақыланады;

Ата-аналар, педагогтар және әкімшілік бірігіп жұмыс істесе, балалардың денсаулығы мен болашағы сенімді қолда болады!

Жаңа стандарттар бойынша ақпаратты білім беру мекемелерінің ұжымдары мен ата-аналар қоғамдастығының назарына ұсынамыз.

Дереккөз: Шу аудандық СЭҚ басқармасының фейсбук парақшасынан  <iframe src="https://www.facebook.com/plugins/post.php?href=https%3A%2F%2Fwww.facebook.com%2Fshkola306Shu%2Fposts%2Fpfbid02Z8krzroqeVUcyTvDLWDK4rFA6iwzzT3Fffs4wBkhkZX7ZkrBtCFxM8h8DyfPPZiLl&show_text=true&width=500" width="500" height="250" style="border:none;overflow:hidden" scrolling="no" frameborder="0" allowfullscreen="true" allow="autoplay; clipboard-write; encrypted-media; picture-in-picture; web-share"></iframe>