«Оқып үйрен, талмай ізден, еңбектен!»– Мағжан Жұмабаев

Бүгін Мағжан орталығы мен Солтүстік Қазақстан облысы әкімдігінің білім басқармасы арасында өзара ынтымақтастық туралы меморандумға қол қойылды.

Құжаттың басты мақсаты – өңірдегі білім беру ұйымдарында Мағжан Жұмабаевтың шығармашылығын кеңінен насихаттау, әдеби-мәдени жобаларды жүзеге асыру және жас ұрпақтың рухани-мәдени дамуына ықпал ету.

Мағжан мұрасын ұлықтау – ұлт руханиятына қосылған өлшеусіз үлес.

Меморандумға қол қою – серіктестікті нығайтуға, кәсіби көкжиектерді кеңейтуге, сондай-ақ педагогикалық шеберлікті дамытуға бағытталған маңызды қадам болды.

Шара аясында Мағжан орталығы мен Әдістемелік орталықтың бірлескен жұмыс жоспары бекітілді.

Сонымен қатар, «Мағжантану» элективті курсының білім беру жүйесіндегі маңыздылығы ерекше атап өтілді.