Салалар
Талқылаулар
Қауымдастықтар
Новость
Қыс – таза ауада серуендеп, ойнап, көңіл көтеретін уақыт. Алайда дәл осы маусымда мұз үстінде жүру кезіндегі қауіп те арта түседі. Мұздың тайғақтығы мен жұқалығы жарақатқа әкелуі мүмкін, сондықтан сақтық шараларын міндетті түрде сақтау қажет.
Қауіпсіздік үшін маңызды кеңестер:
1. Тек арнайы дайындалған орындарды таңдаңыз. Коньки тебу немесе мұзда ойнау қауіпсіздігі қадағаланып тұратын арнайы алаңдарда ғана жүргізілуі тиіс.
2. Табаны таймайтын аяқ киім киіңіз. Қыстық аяқ киімнің табаны тайғанамайтын болуы құлағаннан сақтануға көмектеседі.
3. Жұқа мұзға шықпаңыз! Мұздың қалыңдығына күмәндансаңыз, ол жерге бармаған дұрыс. Қауіпсіздігі тексерілген орындарды таңдаңыз.
4. Мұз үстінде жүгірмеңіз және секірмеңіз. Бұл құлау қаупін арттырады, әсіресе қар басқан немесе үсті су болып тұрған мұз өте тайғақ болады.
5. Балалардың жүріс-тұрысына назар аударыңыз. Оларға мұз үстіндегі сақтық ережелерін ескертіп жүріңіз. Ересектердің бақылауынсыз мұзға шығуға болмайды.
6. Құлаған жағдайда асықпай тұрыңыз. Бірден секіріп тұру қауіпті. Алдымен өзіңізді тыңдап, жайлап тұрыңыз.
Қарапайым ережелерді сақтау арқылы көптеген жарақаттың алдын алуға болады.
Қауіпсіздік – әрқайсымыздың қолымызда!
